لە سەڵاحەددین سەرۆك مەسعود بارزانی پێشوازی لە ستیڤن هیكی باڵیۆزی بریتانیا لە عێراق كرد و باڵوێزی به‌ریتانیا دووپاتی كرده‌وه‌، به‌ریتانیا و هاوپه‌یمانان سوورن له‌سه‌ر پاراستنی هه‌رێمی كوردستان له‌ هه‌ڕه‌شه‌كان.

ئه‌مڕۆ چوارشه‌ممه‌ 21/4/2021، لە سەڵاحەددین سەرۆك مەسعود بارزانی پێشوازی لە ستیڤن هیكی باڵیۆزی بریتانیا لە عێراق كرد، لە دیدارەكەدا باڵوێزی به‌ریتانیا لە عێراق ئیدانەی هێرشەكانی سەر هەرێمی كوردستان و فڕۆكەخانەی نێودەوڵەتیی هەولێری كرد و ڕای گەیاند به‌ریتانیا و وڵاتانی هاوپەیمان سوورن لەسەر پاراستنی هەرێمی كوردستان لە هەڕەشەكان و سەقامگیری و ئارامیی هەرێمی كوردستان بە فاكتەرێكی سەرەكی بۆ سەقامگیری و ئارامیی عێراق و ناوچەكە دەزانن.

هەر لەو كۆبوونەوەیەدا پڕۆسەی سیاسیی عێراق و پەیوەندیەكانی نێوان هەرێمی كوردستان و بەغدا و هەروەها تەحەددیاتی بەردەم هەڵبژاردنەكانی داهاتووی عێراق تاوتوێ كرا. لە بەشێكی تری ئەو دانیشتنەدا ڕۆشنایی خرایە سەر پڕۆسەی چاكسازی لە وەزارەتی پێشمەرگە و یەكخستنی هێزەكانی پێشمەرگە و باڵوێزی به‌ریتانیا لە عێراق پشتیوانیی و هاوكاریی وڵاتەكەی بۆ سەرخستنی چاكسازی و كاراتركردنی هێزی پێشمەرگەی كوردستان دووپات كردەوە.












باسنيوز