ئەڤرۆ رۆژا دووشەمبی رێکەفتێ ١٩⁄٤⁄٢٠٢١ پارێزگارێ دھۆکێ دگەل رێڤەبەرێن گشتی کۆمبونەک ئەنجامدا و دوپاتی کر کۆ ناھێلن بەربەست ناڤبەرا خەلک و حکومەتێ دا دروست بن.

لاپەرێ فەرمی یێ پارێزگەھا دھۆکێ ل تۆرا کۆمەلایەتی یا فەیسبوکێ بەلاڤ کریە:"د.عەلی تەتەر پارێزگارێ دھۆکێ ئەڤرۆ رۆژا دووشەمبی رێکەفتێ ٢٠٢١/٤/١٩ دگەل رێڤەبەرێن گشتی ل سنۆرێ پارێزگەها دهۆکێ کۆمبوو و دکۆمبوونێ دا دانوستاندن و هەلسەنگاندن بۆ رەوشا ساخلەمیێ و رێنمایێن خۆپارێزیێ ژ پەتایا کۆرونایێ هاتەکرن و دیار ژی کریە:" پارێزگارێ دهۆکێ دوپاتی ل جێبەجێکرنا رێنمایان ل هەمی دامودەزگەهێن حکومەتێ کریە، بەحس ل چەوانیا شۆرکرنا دەستهەلاتان بۆ فەرمانگەهێن حکومەتێ کر و راوێژ و پێشنیار دڤێ بیاڤێدا هاتنە وەرگرتن و هەر دکۆمبوونێدا ل دۆر پتر رێکخستنا داهاتێ حکومەتێ و چەوانیا خەرجکرنێ و زێدەکرنا داهاتێ هاتە بەحسکرن".

پارێزگارێ دھۆکێ دگەل رێڤەبەرێن گشتی تەکەز لسەر وێ چەندێ ژی کریە:"پێدڤیە هەمی هەولا بدەین بۆ نەهێلانا بەربەست و رێگریان دناڤبەرا حکومەت و هاولاتیاندا و بەرهەنگاربوونا هەمی جۆرە گەندەلی و زێدەگاڤیەکێ ل دویڤ یاسا و کارناما حکومەتا هەرێما کوردستانێ و ئەنجامدانا چاکسازیەکا هەمەلایەن کو گەلەک بنەمایێن خۆ هەنە ژ پێگیریا تەمام و رێکوپێک ب دەوامێ و نەهێلانا روتینێ بەرفرەهکرنا شەفافیەتێ و گۆهرانکاریێن بەردەوام ل دویڤ پێدڤیاتیێ و گۆت ژی:" هیڤیدارین پێگیریەکا تەمام ب رێنما و راسپاردێن حکومەتا هەرێما کوردستانێ و دهەمی دام و دەزگەهـ و فەرمانگەهـ و رێڤەبەریاندا بهێتەکرن".












باسنيوز