ژبەر تاوانێن داعش گوندەكێ شنگال دێ بیتە شوونوار
عومەر عەلی، جێگرێ پارێزگارێ نەینەوا راگەهاند كو: "بریار هاتییە دان گوندەكێ نوو بۆ خەلكێ گوندێ كۆچۆ ل شنگال بهێتە ئاڤەدانكرن و گوندێ کەڤن یێ كۆچۆ دێ وەكو شوونوار مینت ژبەر تاوانێن تیرۆرستێن داعش بسەرێ خەلكێ گوندێ كۆچۆ ئیناین دناڤ گوندێدا، هەروەسا د قوناغا ئێكێدا دۆرین 150 خانیان ب هەڤكاری و پشتەڤانیا رێكخراوان ل گوندێ نوو یێ كۆچۆ هێنە ئاڤاكرن دقوناغا دویێ ژیدا دێ هەتا 200 خانیان بۆ خەلكێ کۆچۆ هێنە ئاڤاكرن. ئەو گوندێ کەڤن ناهێتە ئاڤەدانكرن دێ هەموو تشتەك یێ گوندێ کەڤندا وەكو خۆ مینت دەستكاری تێدا ناهێتە كرن بۆ وێ چەندێ هەر كەسەكێ قەستا شنگال بكەت، ببینت تیرۆرستێن داعش سالا 2014ێ چ بسەرێ خەلكێ ئێزدی ل گوندێ كۆچۆ ئیناینە".
ئاشكەرا كركو: "گوندێ نوو یێ كۆچۆ دێ نێزیك گوندێ کەڤن هێتە ئاڤەدانكرن دێ هەموو خزمەتگوزاری وەكو قوتابخانا و نەخۆشخانا و یاریگەه ناڤ گوندیدا هێنە دروستكرن. ئەڤ پرۆژە دێ دەمەكێ نێزیكدا دەست پێ كەت".
باسنیوز
