ده‌سته‌ی سەربەخۆی مافی مرۆڤ له‌ هەرێمی كوردستان مه‌ترسییه‌كی پارتی کرێکارانی کوردستان (په‌كه‌كە) لەسەر هاووڵاتییانی مەدەنیی هەرێمی کوردستان، ئاشكرا ده‌كات.

تاڤگه‌ عومه‌ر، به‌رێوه‌به‌ری گشتی له‌ ده‌سته‌ی سه‌ربه‌خۆی مافی مرۆڤ له‌ هەرێمی كوردستان، رایگەیاند: دەستەی مافی مرۆڤ راپۆرتێک لەبارەی پێشێلکارییەکانی پەکەکە دژی هاووڵاتییانی مەدەنی، ئامادە دەکات.

تاڤگە عومەر هەروەها رایگەیاند: لەو راپۆرتەدا، تیشک دەخەنە سەر شەهیدبوون و برینداربوونی هاووڵاتییان لە ئەنجامی شەڕەکانی پەکەکە، چۆڵکردنی گوندەکان و رفاندنی و چەکدارکردنی منداڵان.

ئەو بەرپرسە لە دەستەی سەربەخۆی مافی مرۆڤ بە ئاماژەکردن بەوەی پەکەکە هاووڵاتییانی هەرێمی کوردستان دەڕفێنێت و دەیانکوژێت، رایگەیاند: ئەوان بە ئارەووی خۆیان خەڵک دەڕفێنن و شەرعیەت بە رفاندن و دواتر کوشتنیشیان دەدەن، ئەمەش دەچێتە خانەی ”تاوانەکان“ی پەکەکەوە.













باسنیوز