ئەمڕۆ سێشەممە بە بۆنەی کۆچی دوایی هاوسەری ئیسماعیل بێشکچی، دۆستی قەدرگرانی گەلی کورد، سەرۆک بارزانی پەیامێکی سەرەخۆشیی ئاراستەی ئیسماعیل بێشکچی و بنەماڵەکەیان کردووە.

لە بەشێک لە پەیامی هاوخەمیی سەرۆک بارزانیدا هاتووە: "پرسە و سەرخۆشیی خۆم ئاراستەی ئێوە و خانەوادە بەڕێزەكەتان دەكەم و خۆم بە هاوبەشی خەمتان دەزانم".

دەقی پەیامەکەی سەرۆک بارزانی:

پەیامی سەرەخۆشیی سەرۆك بارزانی بۆ ئیسماعیل بێشكچی

بەناوی خودای بەخشندە و میهرەبان

بۆ بیرمەند و دۆستی قەدرگرانی گەلی كورد پڕۆفیسۆر ئیسماعیل بێشكچی

بەداخێكی زۆرەوە هەواڵی كۆچی دوایی هاوسەری بەڕێزتان خاتوو (لیمان بێشكچی)ـیمان پێ گەییشت. پرسە و سەرخۆشیی خۆم ئاراستەی ئێوە و خانەوادە بەڕێزەكەتان دەكەم و خۆم بە هاوبەشی خەمتان دەزانم.

لە خودای گەورە داواكارم ڕۆحی هاوسەری خواڵێخۆشبووتان بباتە بە ڕەحمەتی خۆی و سەبر و ئارامی بە هەموو لایەك ببەخشێت.

انا للە و انا الیە راجعون

مسعود بارزانی

١٣ـی نیسانی ٢٠٢١










باسنيوز