ئەڤرۆ رۆژا دوو شەمبی ب ئامادەبونا پارێزگارێ دھۆکێ بەشەک ژ جادا نێڤدەولەتی یا ئیبراھیم خەلیل ھات ڤەکرن کۆ ل سەر بودجا حکومەتا ھەرێما کوردستانێ دھێتە دروستکرن.

د.عەلی تەتەر پارێزگارێ دھۆکێ ئەڤرۆ د کۆنگرەیەکێ رۆژنامەڤانی دا گۆت:" بۆ دیڤچونا پرۆژێن خزمه‌تگوزارى ئه‌وێن ل سنورێ زاخو دهێنه‌ ئه‌نجامدان ئه‌ڤرۆ به‌رى نیڤرۆ 12-4-2021 مە سەرەدانا پرۆژێ جادا ئیبراھیم خەلیل کریە کۆ ب درێژاھیا 8.5 كیلۆمەتران ئەڤرۆ بەشەک ژ سایدەکێ ڤێ جادێ ھاتە ڤەکرن کۆ ل دەمێ 60 رۆژان دا ئەو بەشە ژلایێ کۆمپانیا کاڤین گرۆپ ڤە ھاتیە دروستکرن".

و گۆتژی:"پشتى به‌رێز مسرور بارزانى سه‌روكێ حكومه‌تا ھەرێما كوردستانێ سه‌ره‌دانا زاخوۆكرى بریار دابوو چه‌ندین پرۆژێن مه‌زن وخزمه‌تگوزارى ل ده‌ڤه‌رێ بهێنه‌ ئه‌نجامدان، پرۆژێ سایدێ راستێ ژ رێكا نێڤده‌وله‌تى یا ئیبراهیم خه‌لیل بۆ زاخۆ ئێكه‌ ژ 12پرۆژێن مه‌زن ب دوماهى هاتیه‌ وكه‌فتیە دخزمه‌تا خه‌لكێ زاخۆ وپارێزگه‌ها دهۆكێ وهه‌رێما كوردستانێ وعیراقێ".

پارێزگارێ دھۆکێ دیار ژی کر:" ژبلى وان پرۆژێن مه‌زن 32پرۆژێن دى یێن خزمه‌تگوزارى ل سنورێ زاخۆ هه‌بوینه.‌ 28 ژوان ب دوماهى هاتینه‌ و کەفتینە دخزمه‌تا هاولاتیان دا و بناڤێ سه‌روكێ حكومه‌تا كوردستانێ وپارێزگه‌ها دهۆكێ پیرۆزباهیا خه‌لكێ زاخۆ وكوردستانێ وعیراقێ كر بو ڤه‌كرنا ڤێ رێكا گرنگ هه‌روه‌سا سوپاسیا فه‌رمانگه‌هێن میرى وكۆمپانیا كاڤین گرۆپ كر كو پرۆژه‌ بله‌ز وب كوالیتیه‌كا بلند بجهئیناینه‌".

هه‌ژى گوتنێ یه‌ رێكا ناڤبرى لسه‌ر بودجا حكومه‌تا هه‌رێما كوردستانێ بكوژمێ هه‌شت ملیار دینارا هاتیه‌ ئه‌نجامدان.













باسنيوز