راوێژکاری ئاسایشی نەتەوەیی عێراق سەردانی تارانی پایتەختی کۆماری ئیسلامیی ئێران دەکات.

بەپێی هەواڵی میدیا عێراقییەکان، ئەمڕۆ دووشەممە 12-4-2021، قاسم ئەعرەجی، راوێژکاری ئاسایشی نەتەوەیی عێراق سەردانی تاران دەکات.

نووسینگەی راوێژکاری ئاسایشی نەتەوەیی عێراق رایگەیاندووە: قاسم ئەعرەجی بە سەردانێکی فەرمی و لەسەر بانگهێشتی دەسەڵاتدارانی ئێران، سەردانی تاران دەکات.

راوێژکاری ئاسایشی نەتەوەیی عێراق لەگەڵ بەرپرسانی باڵای ئێران کۆ دەبێتەوە، بەڵام تا ئێستا تەوەری کۆبوونەوەکان ئاشکرا نەکراون.




باسنيوز