گوتەبێژی فراکسیۆنی پارتی لە پەرلەمانی کوردستان ئاشکرای کرد شاندی دانوستاندکاری حکوومەتی هەرێمی کوردستان دەچنە پەرلەمانی کوردستان و گفتوگۆ دەربارەی دۆخی دارایی هەرێم و ڕێککەوتنی نێوان هەولێر و بەغدا دەکەن.

پێشەوا هەورامانی، گوتەبێژی فراکسیۆنی پارتی، لە پەرلەمانی کوردستان لە راگەیاندراوێکدا بڵاویکردووەتەوە: "لەسەر ڕاسپاردەی سه‌رۆكی حكوومه‌تی هەرێمی کوردستان شاندی دانوستاندكاری حكوومه‌ت ڕاسپێردراون‌ بۆ ئه‌وه‌ی ئەم هەفتەیە‌ بێنه‌ په‌رله‌مان و له‌گه‌ڵ سه‌رۆكایه‌تی په‌رله‌مان و سه‌رۆكی فراكسیۆنه‌كان و هه‌ردوو لێژنە‌ی دارایی و سامانه‌ سروشتییه‌كان كۆببنەوە."

گوتەبێژی فراکسیۆنی پارتی، لە پەرلەمانی کوردستان راشیگەیاندووە: "لە کۆبوونەوەکەدا گفتوگۆ دەکرێت لەبارەی دۆخی دارایی و پرسی ڕێکەوتنی هەولێر و بەغدا".














باسنيوز