سكرتێرێ جڤاتا پارێزگه‌ها دهۆكێ دیاركر:" به‌رنامێ گوهۆرینا هژماره‌كا قایمقام و رێڤه‌به‌ریێن ناحیا ل دهۆكێ هاتیه‌ دان، دێ جڤاتا پارێزگه‌ها دهۆكێ رۆژا 7/4/2021ێ ده‌نگدانێ ل سه‌ر كه‌ت".

رزگار سدقى ، سكرتێرێ جڤاتا پارێزگه‌ها دهۆك گۆت:" ل گۆر برگا ئێك ژ مادێ 28ژ په‌یره‌وێ نافخو یێ جڤاتا پارێزگه‌ها دهۆكێ وپالپشت ب بریارا هژمارا ئێك سالا‌ 2015ێ یا په‌رله‌مانێ كوردستانێ یا تایبه‌ت ب به‌ربژێركرنا سه‌رۆكێن یه‌كەیێن ئیدارى ژوانا ژى قایمقام ورێڤه‌به‌ریێن ناحیان دێ جڤاتا دهۆكێ كۆمبوونا خۆ یا ئاسایی یا هژمارا 114ێ ل سالا 2021ێ رۆژا 7/4/2021ێ ئه‌نجام ده‌ت".

ئاشكه‌را كركو ئه‌ڤ كۆمبوونا سوبه‌هێ یا تایبه‌ت ب ده‌نگدان ل سه‌ر په‌سه‌ندكرنا ناڤێن به‌ربژێرا بۆ وه‌رگرتنا هژماره‌كا پۆستێن كارگێرێ قایمقام و رێڤه‌به‌ریێن ناحیان ل دهۆكێ".












باسنيوز