بریکاری وەزارەتی کارەبای حکوومەتی ھەرێمی کوردستان ڕای دەگەیەنێت تا ئێستا 560 ھەزار پێوەری زیرەکى كاره‌با لە ھەرێمی کوردستان بەستراون، به‌ ته‌واوبوونى پڕۆژه‌كه‌ش، 70%ى كێشه‌ى كاره‌با چاره‌سه‌ر ده‌بێت.

کامیل قەزاز، بریکاری وەزارەتی کارەبای حکوومەتی ھەرێمی کوردستان ڕاگەیاند: "تا ئێستا 560 ھەزار پێوەری زیرەکی کارەبا لە ھەرێمی کوردستان بەستراون، لە 1/4/2021ه‌وە کار بە پێوەرەکان ده‌ستى پێكردووه‌، فۆرمی وەرگرتنی پارەش بە پێوەرەکان ئامادە دەکرێت.

گوتیشی: "سەرەتا وەک تێستکردن کار دەکات و ئاماەکاری کراوە بۆ ئەوەی تا کۆتایی ئەمساڵ سەرجەم پێوەرەکانی زیرەک ببەسترێن".

بریکاره‌كه‌ی وەزارەتی کارەبا ئه‌وه‌شى خسته‌ ڕوو، بە تەواوکردنی پڕۆژه‌ى به‌ستنى پێوەری زیرەک، لە 70%ی کێشەی کارەبا لە ھەرێمی کوردستان چارەسەر دەکرێت.




باسنيوز