به‌رى چه‌ند رۆژان، گرته‌یه‌كا ڤیدیویێ یا راده‌ستكرنا گه‌نجه‌كێ ژلایێ پۆلیسێن دهۆكێ ڤه‌ ل تۆرێن كۆمه‌لایه‌تى به‌لاڤ بوویه‌ و لدور هه‌مان كارى رێڤه‌به‌ریا پۆلیسێن پارێزگه‌ها دهۆكێ رونكرنه‌كێ به‌لاڤ دكه‌ت.

مقه‌دم هێمن سلێمان، په‌یڤدارێ رێڤه‌به‌ریا پۆلیسێن پارێزگه‌ها دهۆكێ دیاركر:" به‌رى چه‌ند رۆژان ده‌ما پۆلیسێن مه‌ هه‌ولداى كارێ خۆ یێ رۆژانه‌ ئه‌نجام بده‌ن كۆ گه‌نجه‌ك بێ ماسك بوویه‌ لێ دلگرانى ڤه‌ وى گه‌نجى ئاخفتنێن نه‌جوان گۆتینه‌ هێزێن پۆلیسان ، ده‌ما پۆلیس نێزیكى وى گه‌نجى بوین دیار بوویه‌ كۆ بێهنا مه‌ى ژ وى گه‌نجى دهات و مه‌یى بكار ئینایه‌ ، له‌وا ژلایێ پۆلیسان ڤه‌ هاتیه‌ ده‌سته‌سه‌ركرن و ئه‌و گرته‌ ڤیدیویا ل تورێن كۆمه‌لاتیه‌تى به‌لاڤ بووى هژماره‌كا زۆر ژ خه‌لكێ راستی و دروستیا وێ گرته‌ ڤیدیویێ نه‌زانیه‌".

په‌یڤدارێ رێڤه‌به‌ریا پۆلیسێن پارێزگه‌ها دهۆكێ ئه‌و چه‌نده‌ ژى دیاركر:" ئه‌و گه‌نجێ د گرته‌ ڤیدیویێ دا كۆ ڤیدیو به‌لاڤ بووى نه‌هاتیه‌ ده‌سته‌سه‌ركرن ژ به‌ر كۆ ئه‌و گه‌نجه‌ یێ بێ ماسك بوو پۆلیسان ماسك ژى پێشكێشى وى كرینه‌، لێ ل جهه‌كێ دیتر برایه‌كى وى گه‌نجى سڤكاتى ب پۆلیسان كربو ئه‌وێ مه‌یى بكار ئینانى، ئانكو گه‌نجه‌كێ دیتر هاتیه‌ ده‌سته‌سه‌ركرن و ئه‌وێ د گرته‌ ڤیدیویێ دا په‌یوه‌ندى ب بابه‌تى ڤه‌ نه‌بوویه‌ ول سه‌ر دوو تومه‌تا هاتیه‌ ده‌سته‌سه‌ركرن كۆ مه‌یى ڤه‌خاریه‌ و ئاخفتنێن نه‌جوان گۆتینه‌ پۆلیسان، نها ده‌سته‌سه‌ركریه‌ و دێ بۆ دادگه‌هێ هێته‌ ره‌وانه‌كرن، چونكه‌ ئه‌و ئاخفتنێن نه‌جوان گۆتینه‌ پۆلیسان بوونه‌ جهێ دلگرانیا پۆلیسان و دادگه‌ه دێ ل سه‌ر تاوانا وى بریارێ ل سه‌ر ده‌تن".











باسنیوز