ژ بۆ پشته‌ڤانیكرن ل پرۆسێسا خۆپاراستن و پێگیریكرن ب رێنمایێن خۆپاراستنێ لایێ هاولاتیان ڤه‌، ژلایێ رێڤه‌به‌ریا هاتن و چوونا پارێزگه‌ها دهۆكێ مه‌فره‌زێن هاتن و چوونێ ل سه‌رانسه‌رى پارێزگه‌هێ هاتنه‌ دانان و هۆشدارى ب شۆفێران دهێته‌ دان.

مقه‌دم ئازاد تاها، به‌رپرسێ پشكا په‌یوه‌ندى و راگه‌هاندنێ ل رێڤه‌به‌ریا هاتن و چوونا پارێزگه‌ها دهۆكێ گۆت: "ژلایێ رێڤه‌به‌ریا مه‌ ڤه‌ ل سه‌رانسه‌رى پارێزگه‌ها دهۆكێ ب هه‌مى قه‌زا و ناحیان ڤه‌ مه‌فره‌زێن هاتنوچوونێ هاتنه‌ دانان، بۆ وێ چه‌ندێ خه‌لك و شۆفێر بهێنه‌ ئاگه‌هداركرن ل سه‌ر ره‌وشا نۆكه‌ یا خراب یا ئه‌م تێدا ده‌رباز دبین ".

گۆت ژى:"بۆ ده‌ما چه‌ند رۆژان بتنێ هۆشداریێ دده‌ینه‌ شۆفێران و دویڤدا یێ پێگیر نه‌بیت دێ هێته‌ سزادان".

به‌رپرسێ پشكا په‌یوه‌ندى و راگه‌هاندنێ ل رێڤه‌به‌ریا هاتن و چوونا پارێزگه‌ها دهۆكێ ئه‌و چه‌نده‌ ژى دیاركر: "تیمێن مه‌ ل سه‌رانسه‌رى پارێزگه‌ها دهۆكێ هاتنه‌ به‌لاڤكرن، كۆ ل هه‌ر قه‌زا و ناحیه‌كێ ژى مه‌فره‌زه‌ هاتنه‌ دانان، دۆهى رۆژا دووشه‌مبى مه‌ ده‌ست ب دانانا مه‌فره‌زان كریه‌ و بۆ ده‌ما 3 رۆژان تیمێن مه‌ دێ هۆشداریێ ده‌نه‌ شۆفێران كۆ ماسك و پێتڤیێن خۆپاراستنێ بكار بینن، ب تایبه‌ت ل ده‌مێ سه‌رنشینه‌ك ناڤا ترۆمبێلێ دا هه‌بیت لێ ئه‌گه‌ر شۆفێر ل رۆژانێن بهێت دا پێگیر نه‌بن، دێ ژلایێ مه‌فره‌زێن مه‌ ڤه‌ هێنه‌ سزادان، له‌ورا هیڤیه‌ د هاریكار بن ئاگه‌هى ژ سلامه‌تیا خۆ هه‌بیت و خۆ ژ سزایان ژى دیر بكه‌ن".













باسنيوز