ماوەی چەند ڕۆژێکە دەنگۆی دەستگیرکردنی چەند کەسێک بە تۆمەتی پەیوەندییان بە رێکخراوی تیرۆریستیی داعشەوە لەلایەن ھێزەکانی ئاسایشی ڕاپەڕینەوە بڵاو بووەتەوە، قایمقامی قەڵادزێش ھەواڵەکە پشتراست دەکاتەوە.

بەکر بایز، قایمقامی قەڵادزێ لەبارەی ھەواڵەکەوە، ڕايگەیاند: "زانیاریمان پێگەیشتووە کە سێ کەس بە تۆمەتی پەیوەندیکردن بە داعشەوە لە قەڵادزێ لە لایەن ئاساییشەوە دەستگیر کراون، بەڵام ئێمە تەنیا لە دوورەوە ئاگاداری ئەو بابەتەین و پەیوەندیمان بە دەستگیرکردنی ئەو کەسانەوە نییە".

راشی گەیاند: "ئەو کەسانەی دەستگیر کراون تەنیا بەھۆی گومانەوە دەستگیر کراون و تا ئێستا ڕوون نەبووەتەوە، بەڵام ئێمە لە نزیکەوە خێزانەکانیان دەناسین و پێشووتر حاڵەتی لەو شێوەیە لەنێو ئەو خێزانانەدا ڕووی نەداوە".

بەپێی زانیارییەکان ژمارەی ئەو کەسانە گومانیان لێکراوە چوار کەسە و دوویان ئەندامی یەک خێزانن و یەکێکیش رای کردووە و ماوەی چوار رۆژە دەستگیر کراون.












باسنيوز