قایمقامی قەزای ناوەندیی ھەولێر ڕای دەگەیەنێت، نرخی مریشک دادەبەزێنن و ڕێگە نادەن نرخەکە لەوە زیاتر بەرز بکرێتەوە و لەو نرخە جێگیر بکرێت.

نەبەز عەبدولحەمید، قایمقامی قەزای ناوەندیى ھەولێر ڕاگەیاند: "ماوەی چەند ڕۆژێکە نرخی مریشک بەڕێژەی زۆر ناسروشتی بەرز بووەتەوە، لەگەڵ پارێزگاری ھەولێر و وەزیری کشتوکاڵ بۆ دابەزینی نرخی مریشک گفتوگۆمان کردووە".

لەبارەی ھۆکاری گرانبوونى نرخى مریشك، گوتی: "ھەموو ساڵێک لەم کاتانە نرخی مریشك بەھۆی کەمیی بەرھەمھێنان و چەند کێشەیەکی دیکەوە به‌رز بووه‌ته‌وه‌، ئەمانه‌ش بوونەتە ھۆی بەرزبوونەوەی نرخەکە".

قایمقامی قەزای ناوەندیى ھەولێر ئه‌وه‌شى خسته‌ ڕوو، چەند ڕێکارێکیان گرتووەتە بەر و "لە چه‌ند ڕۆژى داهاتوودا نرخی مریشک زۆر دادەبەزێنین".

نه‌به‌ز عه‌بدولحه‌مید ئاماژه‌ى به‌وه‌ش دا: "ناتوانین لە نرخێک جێگیری بکەین، ڕێگەش نادەین ئەو بەرزبوونەوەی نرخی مریشکە جێگیر بکرێت".




باسنيوز