گوتەبێژی وەزارەتی تەندروستیی حکوومەتی هەرێمی کوردستان ئاشکرای کردووە دوێنێ زۆرترین ژمارەی تووشبوو بە پەتای کۆرۆنا لە هەرێمی کوردستان تۆمار کراوە و هەتا کاتژمێر ١٢ی شەوی ڕابردوو ١١ کەس گیانیان لەدەست داوە.

د. ئاسۆ حەوێزی لەمبارەوە لە پێگەی خۆی لە تۆڕی کۆمەڵایەتیی (فەیسبووک) بڵاوی کردووەتەوە: "بەپێی زانیارییە سەرەتاییەکان، دوێنێ زۆرترین ژمارەی تووشبووی کۆرۆنا لە هەرێمی کوردستان تۆمار کراوە و ژمارەیەکی زۆریش داخیلی نەخۆشخانەكان کراون و قەرەوێڵەکانی بەشی چاودێریی چڕ خەریکە پڕ دەبێتەوە و جێگا نامێنێت".

گوتەبێژی وەزارەتی تەندروستی ئاماژەی بەوەش کردووە: "بەداخەوە بەهۆی پابەندنەبوون بە بڕیارەکان و رێنماییە تەندروستییەکان دوای تێپەڕینی سێ مانگ و لەم ساڵدا بۆ یەکەمین جار مردن بەهۆی کۆرۆنا ژمارەی پێوانەیی تێپەڕاند و تەنها تا کاتژمێر 12 شەو 11 مردن لە هەرێمی کوردستان تۆمار کراوە".



باسنيوز