ئێوارەی ئەمڕۆ چوارشەممە محەمەد بن عەبدولرەحمان تەمیم جێگری سەرۆک وەزیرانی قەتەڕ بەمەبەستی پتەوکردنی ڕایەڵەی هاوکارییەکانی نێوان هەردوولا و کردنەوەی كۆنسوڵخانەی وڵاتەکە، گەیشتە هەرێمی کوردستان.

لە کاتی گەیشتنی لە فڕۆکەخانەی نێوەدەوڵەتیی هەولێر لەلایەن شێخ جەعفەر شیخ مستەفا جێگری سەرۆکی هەرێمی کوردستان و سەفین دزەیی سەرۆکی فەرمانگەی پەیوەندییەکانی دەرەوەی حکوومەتی هەرێمی کوردستانەوە پێشوازی لێ کرا.

محەمەد بن عەبدولڕەحمان جێگری سەرۆک وەزیرانی قەتەڕ کە هەمان کات وەزیری دەرەوەی قەتەڕیشە، بەمەبەستی تاوتوێکردنی چەند پرسێکی سیاسی و ئابووری گەیشتووەتە کوردستان لەوانەش کردنەوەی كۆنسوڵخانەی قەتەڕ لە هەولێری پایتەختی کوردستان.











باسنيوز