ئهو كچا ل نهورۆزێ ب گوللا بریندار بووى گیانێ خۆ ژدهست دا
مقهدم هێمن سلێمان، پهیڤدارێ رێڤهبهریا پۆلیسێن پارێزگهها دهۆكێ داخویانیهكێ دا دیاركر: "پۆلیسێن مه بهرى ههلكرنا ئاگرێ نهورۆزێ ب ههمى شیان ڤه كاركریه بۆ هشیاركرنا خهلكى و دویربون ژ دیاردا تهقهكرنێ، لێ دلگرانى ڤه هندهك كهسێن دویر ژ زانین و مرۆڤایهتیێ ههر تهقهكرن ئهنجام دا و دلگرانى ڤه كچهكا كۆردا خهلكا رۆژئاڤایێ كۆردستانێ كۆ ل ناڤا كهمپهكا سنورێ قهزا سێمێلێ ژیان دهرباز دكر، ب گۆلهیهكا تهقهكرنێ بریندار ببوو و دلگرانى ڤه دهمهك بهرى نوكه گیانێ خۆ ژدهست دایه".
پهیڤدارێ رێڤهبهریا پۆلیسێن پارێزگهها دهۆكێ داخویانیهكێ دا ئهو چهنده ژى گۆت: "ئهو بناڤێ (ئایجان عهبدولمهلهك) بوویه كۆ دژیێ 15دا بوو، ل رۆژا ههلكرنا ئاگرێ نهرۆزۆێ گوللهیهكا تهقهكهران ل سهرێ وێ كهفت بوو، ههر بلهز بۆ نهخۆشخانێ ل دهۆكێ هاتبو ڤهگۆهاستن لێ ژ بهر كۆ برینا وێ دژوار بوویه، دلگرانى ڤه پشتى 72 دهمژمێران لبن چاڤدێریا نۆژداران دا ئهو كچه بۆ قۆربانى وان كهسێن تهقهكرن ئهنجام داى و گیانێ خۆ ژدهست دایه ".
گۆت ژى:" چهند كهسهك هاتنه دهستهسهركرن ل سهر دیاردا تهقهكرنێ، لێ تا نۆكه تۆمهتبارێن ڤێ رۆیدانێ نههاتنه دهستهسهركرن، چۆنكه گولله ژ ئهسمانێ هاتیه خوار و سهرێ وێ كهفتیه، دخازین ئهو كهسێن ل وێ دهڤهرێ تهقهكرن ئهنجام دایى، بهێن خۆ رادهستى پۆلیسان بكهن، تا كۆ وژدانا وان ئارام بیت و مافێ ڤێ قۆربانیێ بهرزه نهبیت، داخازین ههر كهسهكێ پێزانین ههبن ل دۆمیز نێزیكى كهمپێ كێ تهقهكرن ئهنجام دایه، دخازین خهلك هاریكار بیت و پێزانینان بگههینن مه تا كۆ ههمى پێرابونێن یاسایى بهێنه ئهنجام دان".
باسنیوز
