ئه‌ڤرۆ ل ناڤا گۆندێ بانیێ ل سنورێ پارێزگه‌ها دهۆكێ، په‌رده‌ ل سه‌ر 2 گۆرێن سیمبۆلیك هات لادان كۆ به‌ریا 47 سالان ژلایێ دۆژمێن گه‌لێ كۆرد ڤه‌ هاتنه‌ شه‌هید كرن و تا نۆكه‌ ته‌رمێن وان نه‌هاتنه‌ دیتن.

مێرخاس بانى، ژ رێكخه‌رێن چالاكیێ یه‌ دیاركر: "ئه‌ڤرۆ رۆژا سێ شه‌مبى ب ئاماده‌بوونا نوینه‌رێ سه‌رۆك بارزانى و د هه‌مان ده‌م دا نوینه‌رێن سه‌رۆكێ حكۆمه‌تا هه‌رێما كۆردستانێ و هه‌رێما كۆردستانێ، و ب ئاماده‌بوونا هژماره‌كا كه‌سایه‌تیێن به‌رنیاس و به‌رپرسێن له‌شكه‌رى و میرى، ل ناڤا گۆندێ بانیێ سه‌ر ب پارێزگه‌ها دهۆكێ په‌رده‌ ل سه‌ر 2 گۆرێن سیمبۆلیك هاته‌ راكرن كۆ گۆرێن دوو شه‌هیدان بوونه‌ كو به‌ریا 47 سالان ب ده‌ستێن دۆژمێن گه‌لێ كۆرد ڤه‌ شه‌هید بوونه‌ و تا نۆكه‌ ته‌رمێن وان بێ سه‌رۆشوینن".

رێكخه‌رێ چالاكیێ ئه‌و چه‌نده‌ ژى ب رێكا دیاركر: "شه‌هید وه‌یسى بانى و عیسا بانى دوو ژ وان شه‌هیدان بوونه‌ كۆ ب درێژاهیا ژیێ خۆ به‌ره‌ڤانى ژ ئاخا پیرۆزا كۆردستانێ كریه‌ و ل هه‌ردوو سالێن 1974 و 1978 دا ده‌مێ ژلایێ دۆژمێن گه‌لێ كۆردستانێ ڤه‌ هاتینه‌ شه‌هید كرن و ته‌رمێن وان ژلایێ وان ڤه‌ هاتبوونه‌ ره‌ڤاندن و تا نۆكه‌ ته‌رمێن وان بێ سه‌رۆشوینن، له‌ورا مه‌ ب فه‌ر دیت ل ناڤا گۆندێ بانیێ دا 2 گۆرێن سیمبۆلیك بۆ هه‌ردوو شه‌هیدان درۆست بكه‌ین تا كۆ هه‌ر چ نه‌بیت كێمه‌ك خه‌مێن كه‌س و كارێن وان ب سه‌ره‌دانا وان گۆران دا كێم ببن و ئه‌ڤرۆ په‌رده‌ ل سه‌ر 2 گۆرێن سیمبۆلیك یێن هه‌ردوو شه‌هیدان هاتنه‌ راكرن و ژخۆدێ دخازین هه‌ردو شه‌هید و هه‌مى شه‌هیدێن گیانێ خۆ گۆرى ئاخا كۆردستانێ كرى ل ناڤا مێرگێن به‌هه‌شتێ بن و شكه‌ستن هه‌رده‌م به‌هرا دۆژمنێن گه‌لێ كۆرد بن".










باسنیوز