جێگری پێشووتری سکرتێری گشتیی نەتەوە یەکگرتووەکان بەکارهێنانی چەکی کیمیاوی لە دژی گەلی کوردستان بە تاوانی جەنگ هەژمار دەکات.

یان ئێلیاسۆن، جێگری پێشووتری سکرتێری گشتیی نەتەوە یەکگرتووەکان (2012- 2016)، لە هەژماری تایبەتیی خۆی لە تۆڕی کۆمەڵایەتیی (تویتەر)، رایگەیاندووە، نابێ هەرگیز کارەساتی کیمیابارانکردنی هەڵەبجەلەلایەن رژێمی سەدام حوسێنەوە لەبیر بکرێت.

یان ئێلیاسۆن، کە سیاسەتمەدار و دیپلۆماتێکی سویدییە، رایگەیاندووە، بەکارهێنانی چەکی کیمیاوی لە دژی گەلی کوردستان و لە شەڕی عێراق- ئێران (1980-1988)، دەچێتە خانەی تاوانە جەنگییەکان و تاوانە دژەمرۆییەکان.

ئەو دیپلۆماتە سویدییە لەبارەی بێدەنگیی کۆمەڵگەی نێودەوڵەتی لەبارەی کارەساتەکە، رایگەیاندووە، ”جیهان بە شێوەیەکی شەرمەزارانە چاوی لەسەر ئەم رووداوە نووقاند“.

رۆژی 16-3-1988، رژێمی بەعس کە سەدام حوسێن سەرۆکایەتی دەکرد، شاری هەڵەبجەی کیمیاباران کرد و لە ماوەی چەند کاتژمێرێکدا، زیاتر لە پێنج هەزار هاووڵاتیی مەدەنی شەهید بوون.



باسنيوز