ئێدی دهرگههێ سنوری یێ سهر زێرێ ھەر رۆژ ڤەكری یە
ئیسماعیل مستەفا، قایمقامێ قەزا ئامێدیێ دیاركر: "ل رۆژێن بۆرى دا شاندهكێ دهروازێ سهرزێرێ ب سهرپهرشتیا مە و رێڤهبهرێ دهروازێ سهرزێرێ كۆ ل باكورێ كۆردستانێ ژلایێ قایمقامێ قهزا چهلێ ڤه هاتبوینه پێشوازیكرن و دانۆستاندن ل سهر چهندین خالێن ههڤپشك مە ئهنجام دابوون، ب مهرهما پتر خزمهتكرنا خهلكێ ل خالا سنورى دا و گۆت ژى: "ئێدى بۆ دهما حهفت رۆژێن حهفتیێ دێ هاتنوچوونا خهلكێ ل ڤێ خالا سنورى هێته ئهنجام دان".
قایمقامێ قەزا ئامێدیێ گۆت ژى: "ژ رۆژا ڤهكرنا ڤێ خالا سنۆرى تا نۆكه ل حهفتیێ بتنێ 5 رۆژان دهوام و هاتنوچوون ل خالا ناڤبرى دهاته ئهنجام دان، لێ ژ بهر كۆ زۆر خهلكێ داخاز كریه رۆژێن ڤهبونا دهرگههى بهێنه زێدهكرن ب تایبهت ل دهمێ بهرى پهتایا كۆرونایێ بهێت خهلكهكێ زۆر هاتن وچوون ڤێ خالێ دا ئهنجام دایه، لهورا ئێك ژ وان تهوهرێن ههردوو شاندێن دهروازان دانۆستاندن ل سهر ئهنجام دایى و بریارا وێ چهندێ هاتیه دان كۆ ژ 5 رۆژێن حهفتیێ، ئێدى 7 رۆژێن حهفتیێ ئهڤ دهرگههه یێ ڤهكرى بیت و ئهڤ چهنده ژى دێ خزمهتهكا باشتر پێشكێشى خهلكێ ههرێما كوردستان و وهلاتێ توركیا كهت، چونكه بهرى پهتایا كۆرونایێ رۆژانه زێدهتر ژ هزار كهسان هاتن وچوون ل ڤێ خالا سنورى ئهنجام دایه و ب هیڤیا وێ چهندێ خهلك بشێت مفایێ ژ ئهڤان خزمهتان ببینیت".
باسنیوز
