گوتەبێژی حکومەتی هەرێمی کوردستان رایگەیاند، لەسەر فەرمانی سەرۆکی حکومەت چەند پرۆژەیەکی "گرنگی" خزمەتگوزاری لە پارێزگای هەڵەبجە ئەنجامدەدرێن کە بەشێکیان پەیوەندییان بە پەرەپێدانی پارێزگاکانەوە هەیە و پێشتر پەسندکراون.

د. جووتیار عادل، گوتەبێژی حکومەتی هەرێمی کوردستان رایگەیاند، ئەو پرۆژانە لەسەر فەرمانی مەسرور بارزانی، سەرۆکی حکومەتی هەرێمی کوردستانە، بەشێکیان پەیوەندییان بە پەرەپێدانی پارێزگاکانەوە هەیە و پێشتر پەسندکراون، بەشێکی دیکەشیان لەلایەن وەزارەتەکانەوە لە سنووری پارێزگای هەڵەبجە جێبەجێ دەکرێن.

پرۆژەکانیش بەمشێوەیەن:

- دروستکردنی پردی تووەقوت کە پرۆژەیەکی ستراتیجییە و گەرمیان و هەڵەبجە بەیەکەوە دەبەستێتەوە.

- 15 پرۆژەی خزمەتگوزاریی قیر و گەیاندنی ئاو لە سنووری شارەوانیی هەڵەبجە.

- نۆژەنکردنەوەی چەندین قوتابخانە.

- گەیاندنی کارەبا و دانانی محاویلە بۆ 9 شوێنی جیاواز لە سەنتەری شاری هەڵەبجە.

- نۆژەنکردنەوەی باڵەخانەی بەڕێوەبەرایەتیی گشتیی شەهیدان.

- تەواوکردنی بەشە ناوخۆییەکانی زانکۆی هەڵەبجە.
rudaw -