ئهوروپا سوپاس و دهستخۆشی له خهڵك و حكومهتی ههرێمی كوردستان دهكات
دۆمێنیك روز دێڤیسا، سەرۆکی کاربەڕێکهری لیژنەی پەیوەندییەکانی دەرەوەی پەرلەمانی ئەوروپا لەگەڵ عێراق رایگەیاند: سوپاسی حکومەتی هەرێمی کوردستان و حکومەتی عێراق دەکەم، بۆ ئەو پێشوازییە گەرمەی لە قەداسەتی پاپا فرانسیس کرد، لە ماوەی مانەوەی لە هەرێمی کوردستان و عێراق.
دێڤیسا گوتی: ئامادەکاری و هاوکارییەکانی حکومەتی هەرێمی کوردستان و حکومەتی عێراق بوونە هۆی سەرکەوتنی سەردانە مێژووییەکەی قەداسەتی پاپا.
هەروەها سوپاسی ئەو پێشوازییە گەرمەشی كرد، كه لەلایەن خەڵکی هەرێمی کوردستان و عێراقەوە لە پاپا کراوە.
هیواشی خواشت سەردانەکەی پاپا ببێتە هۆی پتەوکردنی گیانی پێکەوەژیان و لێبوردەیی. جەختی لهوهش كردهوه، لەگەڵ لایەنە پەیوەندیدارەکان کاردەکەن، بۆ ئەوەی هاوکاربن لە بونیادنانی کۆمەڵگەیەکی گشتگیر، ئاسایش و سهقامگیر لە عێراقی فێدراڵ.
رۆژی 5 تا 7ی ئەم مانگە، پاپا فرانسیس، پاپای ڤاتیکان سەردانی هەرێمی کوردستان و عێراقی کرد و بۆ یەکەمجار لە رۆژهەڵاتی ناوەراست گەورەترین قوداسی لە یاریگای نێودەوڵەتی فرانسۆ هەریری لە هەولێری پایتەختی ههرێمی كوردستان ئەنجامدا.
k24 -
