هێزەکانی سووریای دیموکراتی (هەسەدە) دەست بە هەڵمەتێکی دەستگیرکردن لەناو کەمپی هۆل لە حەسەکە، دەکەن.

هەڵمەتەکە دوای ئەوە دێت، کە لە رۆژی یەکشەممە 7-3-2021دا گەنجێکی عێراقی بە ناوی نەمر رەباح (تەمەن 16 ساڵ) لەناو کەمپی هۆل کوژرا و گومان دەکرێ بە دەستی چەکدارانی داعش کوژرابێ.

بەپێی زانیارییەکان، هێزە ئەمنییەکانی رۆژئاوای کوردستان و هەسەدە چەند کەسێکیان بە تۆمەتی کوشتنی گەنجە عێراقییەکە دەستگیر کردووە، کە یەکێک لەو دەستگیرکراوانە ژنە.

لە سەرەتای ئەم ساڵەوە تا ئێستا، 30 حاڵەتی کوشتن و 10 بریندار، لەناو کەمپی هۆل تۆمار کراوە.

کەمپی هۆل لەلایەن هەسەدەوە سەرپەرشتی دەکرێت و چەکدارانی دەستگیرکراوی داعش و کەسوکارەکانیان، تێیدا دەستبەسەر کراون.













باسنيوز