قایمقامی ڕانیە ڕای گەیاند بە مەبەستی خۆپارێزی لە تووشبوون بە پەتای کۆرۆنا، ئەمساڵ لە سنووری ڕانیە هیچ جۆرە چالاکییەک بە بۆنەی ۳۰هەمین ساڵیادی ڕاپەڕینی مەزنی ساڵی ۱۹۹۱ بەڕێوە ناچێت.

حوسێن مەحموود، قایمقامی ڕانیە ڕايگەیاند: "ساڵانە و لە ٥ی ئاداردا کە ساڵیادی دەستپێکردنی ڕاپەڕینە مەزنەکەی باشووری کوردستانە لەدژی دسەڵاتی ڕوخاوی بەعس، لە شاری ڕانیە کۆمەڵێک چالاکیی جۆراوجۆرمان بەڕێوە دەبرد".

گوتیشی: "بە پشتبەستن بە بڕیاری وەزارەتی ناوخۆی حکوومەتی هەرێمی کوردستان کە نابێت هیچ جۆرە کۆبوونەوە و چالاکییەکی بۆنە نەتەوەیی و نیشتمانییەکان بەڕێوە بچێت و وەک خۆپارێزییەکیش لە پەتای کۆرۆنا، ئەمساڵ هیچ چالاکییەک بۆ یادی ڕاپەڕین بەڕێوە نابەین".

قایمقامی ڕانیە ڕوونیشی کردەوە: "ڕۆژی ٥ی ۳ی۲۰۲۱ بە پەیڕەوکردنی ڕێنوێنیی خۆپارێزیی تەندروستی، تەنها لەسەر مۆنۆمێنتی ڕانیە لەسەر گڵکۆی شەهیدان دادەنێین و قەرەباڵغی دروست ناکەین".












باسنيوز