بە بەشداری پێنچ لیوای سوپای عێراق و حەشدی شەعبی ماوه‌ی سێ رۆژه‌ پرۆسەی سەربازی بۆسەر چەکدارانی داعش لە سنووری شارەدێی گوڵاڵە دەستیپێکردووە و ھێزەكانی پێشمەرگەی کوردستان چاودێری پرۆسەكه‌ دەکەن و شەوی رابردووش ھێرشێکی داعشیان لە گوندی دەکه‌ تێکشکاند.

ھێزەکانی عێراقیش بۆبنبڕکردنی داعش 25 باخ و بێستانی ناوچەکەیان تەختی زەوی کردووە، چونکە وه‌ك دەڵێن: باخ و بێستانەکان بوونەتە پەناگەی چەکدارانی داعش، هاوكات له‌گه‌ڵ ئه‌و كرده‌ سه‌ربازییه‌ی هێزه‌ عێراقییه‌كان، هێزه‌كانی پێشمه‌رگه‌ش كه‌وتوونه‌ته‌ حاڵه‌تی ئاماده‌باشی‌ و له‌ نزیكه‌وه‌ چاودێری جمووجۆڵی چه‌كدارانی داعش ده‌كه‌ن.

به‌گوته‌ی به‌رپرسان، چه‌كدارانی داعش خۆیان له‌ناو ئه‌و باخ و بێستانانه‌ حه‌شار ده‌ده‌ن و لەوێوە ھێرش بۆسەر ھێزە کانی پێشمەرگە و سوپای عیراق ئەنجام دەدەن، بەجۆریك لە دوو مانگی رابردوودا لەم ناوچانە 14 ھێرشی چەکداریان ئەنجامداوە.
k24 -