له داقووق دوای بۆردومانی فڕۆكەی هاوپەیمانان تەرمی حهوت چەكداری داعش دۆزرانەوە
ئهمڕۆ دووشهممه 22/2/2021، فڕۆكهكانی هاوپەیمانان، مۆڵگهی تیرۆریستانی داعشیان لە سنووری شارۆچكهی داقووقی باشووری كەركووك بۆردومان كرد و دوای بۆردومانهكهش تهرمی حهوت چهكداری داعش دۆزرانەوە.
له بارهی هێرشهی هاوپهیمانان و دۆزینهوهی تهرمی چهكدارانی داعش، لویس خزر، قایمقامی قەزای داقووق، رایگەیاند: ئهمڕۆ لەلایەن هێزی ئاسمانیی هاوپەیمانانەوە، ناوچەی شەبیحەی سنووری داقووق بۆردومان كرا، ئەو شوێنەی كە كراوهتە ئامانج، تیرۆریستانی داعش وەك شوێنی مانەوەی خۆیان بهكاریان دههێنا.
قایمقامی داقووق، راشی گەیاند: "لەو بۆردومانەدا سەرەتا دوو چەكداری داعش كوژران، پاشتر تەرمی پێنج چەكداری تر ئاشكرا بوو، كۆی كوژراوهكانیش گەیشتنە حهوت چهكداری داعش، كە بەهۆی بۆردومانی فڕۆكەی هاوپەیمانانەوە كوژران".
باسنیوز
