وەزارەتی کارەبای حکوومەتی هەرێمی کوردستان ئاشکرایکرد کە كێشەی دانا غاز چارەسەركراو دۆخی كارەبا ئاسایی بووەوە.

بەپێی راگەیاندراوێکی وەزارەتی کارەبا کە تێیدا هاتووە: "هاوبەشانی كارەبا ئاگادار دەكەینەوە كاتژمێر 5ی ئەم ئێوارەیە گرفتە تەكنیكییەكەی داناغاز ئاسایی بووەوە، ئەمەش دوای ئەوەی هەردوو وەزارەتی سامانە سروشتییەكان و وەزارەتی كارەبا هاوكاری تیمەكانی كۆمپانیای داناغاز بوون و پێكەوە توانییان چارەسەری ئەو گرفتە تەكنیكییە بكەن".

ئەوەش خراوەتە روو، "وەزارەتی كارەبا راستەوخۆ هەر لەكاتی كەوتنەوەی گرفتەكەدا لەرێگەی تیمەكانی كۆنترۆڵی كارەبای هەرێم و وێستگەكان رێگایان نەدا كوژانەوەی گشتی كارەبا رووبدات".












باسنیوز