شێخ مجدل: ئێزدی دخوازن پێشمەرگە بزڤرتە شنگال
شێخ مجدل شێخ خدر، فەرماندێ هێزا پێشمەرگە ل شنگال راگەهاند كو: "نۆكە رەوش ل شنگال باش نینە ژبەر خرابیا رەوشا شنگال ئەو خەلكێ زڤرینە سەر مال و حالێ خۆ، زێرەڤانیا مالێن خۆ ب شەڤێ دكەن. نەشێن پشت راستی ناڤ مالێن خۆ دا بنڤن. ئەڤە ئاماژەكا مەترسیدارە كو تەناهی ل شنگال نینە ورۆژانە وبەردەوام خەلكێ چووینە شنگال، پەیوەندی ب مە دكەن ل هیڤیا زڤرینا پێشمەرگەهێ كوردستانێ نە بۆ ناڤ شنگالێدا چونكو خەلكێ باوەری ب هێزێن چەكدار ناڤ شنگالدا نەمایە. ئەو هێزێن چەكدار ئەگەرن رەوشا شنگال خۆش نەبیت".
ئاشكەرا كر كو: "هەر دەمێ پێشمەرگەهێ كوردستانێ چوو ناڤ شنگال دا دێ هەموو ئاوارێن شنگال ڤەگەرن چونكو دێ تەناهی ل هەموو دەڤەرا شنگال پەیدابیت بتنێ خەلكێ شنگال تەناهی دڤێت ژبەر نەبوونا تەناهیێ خەلك نەشێن ڤەگەرن".
ل سالا 2014ێ تیرۆرستێن داعش شنگال داگیركرن ل وێ دەمێ بەهانەیێن ژێكجۆدا پەكەكێ قەستا شنگال كر گەلەك جاران جڤاتا روحانیا ئێزدیان و خەلكێ شنگال داخواز ژپەكەكێ كرن شنگال چۆل بكەت داكو ئاڤەدانی و تەناهی ل شنگال دروست ببیت لێ هەتا نۆكە ماینە.
باسنيوز
