ئەڤرۆ ل نەخۆشخانا ھیڤی یا زارۆکان ل دھۆکێ پشکا چاڤدێریا چر ھات ڤەکرن کو بەری نھا ئەڤ پشکە نەبوویە و نەخۆشێن باش و خراب پێکڤە چارەسەری وەرگرتیە.

د.نزار بەکر، رێڤەبەرێ نەخۆشخانا ھیڤی یا زارۆکان دیار کر: "ژ بەر کو ل ناڤا نەخۆشخانا ھیڤی یا چارەسەریا زارۆکان ل دھۆکێ بەری نھا مە 6 تەختێن ڤەحەواندنا وان زارۆکان ھەبوون ئەوێن رەوشا وان باش نەبیت، لێ ب ھاریکاریا دوو رێکخراوێن بیانی بەشەک زۆر ژ نەخۆشانێ ھاتیە نۆژەنکرن دگەل وێ چەندێ 4 تەختێن دیتر بۆ ڤەحەواندنێ ھاتنە بەرھەڤکرن".

رێڤەبەرێ نەخۆشخانا ھیڤی یا زارۆکان ئەو چەندە ژی دیار کر: "ل نەخۆشخانا ھیڤی یا زارۆکان 9 تەخت ھەنە بو زارۆکان ئەوێن ژ نوی دھێنە سەر دنیایێ و ب ڤی سەرجەمی 19 تەخت ل نەخۆشخانا مە ھەنە و ئەڤرۆ ب بەرھەڤبوونا رێڤەبەرێ ساخلەمیێ و کۆنسلێ ئێکەتیا ئەورۆپی پشکا چاڤدێریا چر یا نەخۆشخانا ھیڤی یا زارۆکان ھات ڤەکرن و ب ھیڤیا وێ چەندێ ئەو قەرەبالغیا جاران دروست دبوو پەیدا نەبێت و رەوشا ساخلەمیا ھەمی زارۆکان بەرەڤ باشتر بوونێ ڤە بچیت".











باسنيوز