ل زاخۆ سەنتەرەك بۆ چارەسەركرنا تووشبوویێن كۆرۆنایێ هاتە ڤەكرن
د. شاكر عەبدولرەحمان، رێڤەبەرێ ساخلەمیا زاخۆ دیار كر كو ل كەمپا زانكۆیا زاخۆ سەنتەرەك بۆ چارەسەركرنا تووشبوویێن كۆرۆنایێ هاتە دانان ئەڤ سەنتەر ژ 50 ژوورا پێك دهێت و 100 تەخت بۆ چارەسەركرنا تووشبوویێن كۆرۆنایێ دناڤ سەنتەرێ دا هەنە كو هەر ژوورەكا ناڤ سەنتەرێدا دوو تەخت هەنە هەكە تووشبوویێ پێدڤی بن د ئێك ژوورا سەنتەرێدا دێ دوو تووشبوویێ هێنە چارەسەركرن، هەموو پێدڤین رۆژانا دناڤ ژوورا سەنتەرێدا هەنە بۆ خزمەتكرن و چارەسەركرنا تووشبوویێن كۆرۆنایێ".
ئاشكەرا كر كو: "دوو سەنتەرێن راوێژكاری ل زاخۆ بۆ وەرگرتنا نموونەیێن پشكنینا كۆرۆنایێ هاتیە دانان دپلانێ دایە ل زاخۆ تاقیگەها پشكنینا كۆرۆنایێ ژی بهێتە دانان نۆكە ل دەرگەهێ سنۆری یێ ئیبراهیم خەلیل تاقیگەه كۆرۆنایێ هاتییە دانان دێ ناڤ زاخۆ ژی تاقیگەهەك هێتە دانان بۆ خزمەتكرنا خەلكێ زاخۆ".
ل قەزا زاخۆ هەتا نۆكە دۆرین 300 تووشبوویێن كۆرۆنایێ یێن هاتینە تۆماركرن و چار تووشبوویان گیانێ خۆ ژبەر نەخۆشیا كۆرۆنایێ دەست دایە و هژمارەكا تووشبوویان ناڤ مالێن خۆدا ژی چارەسەری وەردگرن.
باسنیوز
