لە سنووری كەركووك تیرۆریستێكی داعش دەستگیر كرا
لە ناییەی ریازی سەر بە پارێزگای كەركووك تیرۆریستێک دەستگیر كرا كە بەپێی مادەی 4ی تیرۆر لە یاسای سزادانی عێراقی داواكراو بووە و پێشتر كاری كۆكردنەوەی زانیاری لەسەر هێزە ئەمنییە عێراقییەكان بووە.
لە راگەیانەندراوی وەزارەتی ناوخۆی عێراقدا كە ئەمڕۆ پێنجشەممە 27/8/2020 بڵاوی كردووەتەوە، ئاماژەی بۆ ئەوەش كردووە كە دەستگیركردنی ئەو تیرۆریستیە بە پشتبەستن بووە بە زانیاریی دەزگای هەواڵگیریی عێراق و پاش دەستگیركردنی، ئەو تیرۆریستە دانی بەوەدا ناوە كە زانیاری لەسەر جموجۆڵ و شوێنی هێزە ئەمنییەكانی عێراق كۆ كردوەتەوە و پاشان گەیاندویەتی بە تیرۆریستانی داعش".
بۆ وەرگرتنی زانیاری زیاتر لەسەر دەستگیركردنی ئەو تیرۆریستە، (باسنیوز) پەیوەندی بە ئەحمەد محەمەد، ئەفسەر لە بنكەی پۆلیسی ریاز كرد و ئاماژەی بۆ ئەوە كرد، ئێمە وەك بنكەی پۆلیسی ریاز بەشداریمان لە چالاكی دەستگیركردنی ئەو تیرۆریستەدا نەكردووە.
باسنیوز
