بەھۆی تووشبوونی ژمارەیەک فەرمانبەر بە پەتای کۆرۆنا، دەوامی پەروەردەی پشدەر بۆ ماوه‌ى ھەفتەیەک ڕاده‌گیرێت.

له‌مباره‌یه‌وه‌ مەحموود حوسێن، بەڕێوەبەری پەروەردەی پشدەر ڕایگەیاند: "چوار فەرمانبەرمان لەناو پەروەردە تووشی پەتای کۆرۆنا بوون، بەداخەوە تەندروستیی یەکێکیان ناجێگیرە"

گوتیشی: "لەپێناو خۆپاراستن و پابەندبوون بە ڕێنوێنیی خۆپارێزی لە کۆرۆنا، بڕیارمان دا لە سبەی چوارشەممەوه 26/8/2020 تا ڕۆژى چوارشه‌ممه‌ى هه‌فته‌ى داهاتوو 2/9/2020، دەوامی ناو پەروەردەی پشدەر ڕابگرین".

بەڕێوەبەری پەروەردەی پشدەر باسی لەوەش کرد، بۆ ئەو مەبەستە لە نووسراوێکدا بەڕێوەبەرایەتیی گشتیی پەروه‌ردەی سلێمانی و قایمقامیەتی پشدرەیان ئاگادار کردووتەوە.













باسنیوز