پەیڤدارێ ھاتن و چوونا پارێزگەھا راگەھاند، د رویدانەكا ھاتن و چوونێ دا كەسەكی جانێ خۆ ژ دەست دا.

مقەدم ئازاد تاھا پەیڤدارێ ھاتن و چوونا پارێزگەھا دھۆکێ دیارکر: "دلگرانی ڤە ئەڤرۆ رۆژا سێ شەمبی رێکەفتی ٢٥⁄٨⁄٢٠٢٠ ل دەمژمێر(٩:٤٠) ل سەر جاددا سەرەکی یا دھۆک بۆ زاخۆ، نێزیکی مفرەقا گرشینێ، رویدانەکا ھاتن و چوونێ دناڤبەرا دوو ترۆمبێلان دا دروست بوو و بوو ئەگەرێ گیان ژ دەستدانا کەسەکێ".

پەیڤدارێ ھاتن و چوونا پارێزگەھا دھۆکێ گۆتژی: "رویدان ناڤبەرا دوو ترۆمبێلێن تایبەت ژ جۆرێن ھۆندا و مازدا دروست بوویە و ژ ئەنجامێ رویدانێ کەسەک بوویە قوربانی کو گیانێ خۆ ژ دەست دایە و د ھەمان دەم دا دوو کەسێن دی بریندار بوونە و تەرمێ وی کەسێ گیان ژ دەستدای بۆ نۆژداریا داد ھاتیە رەوانەکرن و ھەلبەت رویدان ژ ئەگەرێ نە پێگیریا شۆفێران ب رێنمایێن ھاتن و چوونێ دروست بوویە".












باسنيوز