پێشنیوەڕۆی ئەمڕۆ دووشەممە تەرمی گەنجێک لەناو پارکی دەروازەی شاری ڕانیە دۆزراوەتەوە و بە مەبستی زانینی ھۆکاری خنکانەکەی، تەرمەکەی ڕەوانەی پزیشکی دادوەریی سلێمانی کراوە.

شۆڕش ئیسماعیل، گوتەبێژی پۆلیسی ڕاپەڕین ڕایگەیاند: " ئەمڕۆ دووشەممە لەلایەن ھێزە ئەمنییەکانەوە تەرمی گەنجێکی تەمەن 18 ساڵ بە ناوی (ب، ن) بە خنکاوی لەناو پارکی دەروازەی شاری ڕانیە بە ھەڵواسراوی لەژێر یەکێک لە ئامێرەکانی یاری دۆزراوەتەوە و پاشان گەیەندراوەتە نەخۆشخانە".

گوتیشی: "لەکاتی پشکنین لە پزیشکی دادوەری دەرکەوت کە شوێنەواری پەت بە ملی گەنجەکەوە ھەیە، بۆیە بۆ لێکۆڵینەوەی وردتر و زانینی ھۆکاری ڕاستەقینەی ڕوداوە کە ئاخۆ ناوبراو خۆی ھەڵواسیوە، یاخود ھەڵواسراوە تەرمی گەنجەکە بەڕێ کراوە بۆ پزیشکی دادی سلێمانی و لێکۆڵینەوەش لە ھۆکار و چۆنیەتیی ڕووداوەکە دەستی پێ کردووە".















باسنیوز