بەڕێوەبەرایەتیی گشتیی ئەزموەنەکان لە وەزارەتی پەروەردەی حکوومەتی ھەرێمی کوردستان، ئەمڕۆ یەکشەممە 2020.8.16 کات و خشتەی تاقیکردنەوەکانی خولی دووەمی پۆلە کۆتاییەکانی بۆ ساڵی خوێندنی ( ٢٠١٩ - ٢٠٢٠) بڵاو کردەوە.

بەپێی نووسراوێکی فەرمی کە بەڕێوەبەرایەتیی ئەزموونەکانی وەزارەتی پەروەردە بڵاوی کردووەتەوە، لە خشتەی تاقیکردنەوەکان کە، تێیدا هاتووە: "تاقیکردنەوەکانی پۆلی١٢ی وێژەیی و زانستی و پیشەیی و بازرگانی و ڕووەک و ئاژەڵ و گەشتوگوزار و پۆلە کۆتاییەکانی دیکە ڕۆژی سێشەممە (١ / ٩ / ٢٠٢٠) دەست پێ دەکات".

بەپێی هەمان نووسراوە تاقیکردنەوەکان کاتژمێر (٣٠ : ٨) ی بەیانی دەست پێ دەکەن و ئەگەر ڕۆژێک پشووش بێت، تاقیکردنەوەکە ھەر ئەنجام دەدرێت.














باسنیوز