لە سنووری قەزای حەویجەی سەر بە پارێزگای كەركووك، هێزە ئەمنییەكانی عێراق شەش چەكداری داعشیان دەستگیر كرد كە بەپێی مادەی چوار لە یاسای سزادانی عێراقی لەلایەن دادگاشەوە داواكراو بوون.
ئەمڕۆ یەكشەممە 16/8/2020، رەعەد محەمەد، ئەفسەر لە بەڕێوەبەرایەتیی پۆلیسی حەویجە، ڕایگەیاند: "هێزە ئەمنییەكانی سنوورەكە بە پشتبەستن بە زانیاری هەواڵگیری، توانیان لە سنووری قەزای حەویجە شەش كەس دەستگیر بكەن كە بەپێی مادەی چواری تیرۆر لە یاسای سزادانی عێراقی داواكراون و ئەو كەسانە چەكداری داعش بوون".

گوتیشی، هاوكات هێزە ئەمنییەكانی حەویجە لە سنوورەكە دەستیان بەسەر دوو جبەخانەی داعشدا گرتووە كە بۆمبی چێندراوی جۆراوجۆر و تەقەمەنیی تێدا بووە.












باسنیوز