بەڕێوەبەری گشتیی تەندروستیی هەولێر: ئەو دۆخەی هاتووەتە پێشمان زۆر نائاساییە
دكتۆر دلۆڤان محەمەد، ئاماژەی بەوەش دا: "ژمارەی تووشبوانی كۆرۆنا زۆر زۆرە و لە توانا زیاترە، هەرچەند ئیشەكان بە باشی كراون، بەڵام كەموكوڕی لەملا و ئەولا لەوانەیە هەبووبێت، بەدواداچوون كراون و پێداچوونەوەش كراوە".
بەڕێوەبەری تەندروستیی گشتیی هەولێر ئاماژەی بەوەش دا: "لە ڕووی پزیشكییەوە
ئەو دۆخەی هاتووەتە پێشمان زۆر نائاساییە، كاری یەكەمی تەندروستی لە هەرێمی كوردستان و زۆربەی دونیا ڕووبەڕووبوونەوەی كۆرۆنایە و ژمارەیەكی زۆری نەخۆشخانەكانمان بۆ چارەسەركردنی كۆرۆنا تەرخان كردووە"
دكتۆر دلۆڤان محەمەد ڕاشی گەیاند: "نەشتەرگەرییە فریاكەوتن و ئیمێرجنسییەكان لە هیچ شوێنێك رانەوەستاون، بەڵام ئەوانەی نەشتەرگەریی ساردیان هەیە و ڕێی تێدەچێت دوا بخرێت، لەوانەیە دوا بخرێت، چونكە نەشتەرگەری دوور نییە ببێتە هۆی بڵاوبوونەوەی پەتاكەش".
باسنیوز
