به‌رپرسێ راگه‌هاندنێ ل رێڤه‌به‌ریا گشتى یا ساخله‌میا پارێزگه‌ها دهۆكێ دیاركركو "ئێكه‌م كارمه‌ندێ ساخله‌میا دهۆكێ ب ناڤێ (سه‌لیم فرحان) گیانێ خۆ ژ به‌ر نه‌خۆشیا كۆرۆنایێ ژده‌ستدا".

حه‌مزه‌ ره‌زیكى، به‌رپرسێ راگه‌هاندنێ ل رێڤه‌به‌ریا گشتى یا ساخله‌میا پارێزگه‌ها دهۆكێ راگه‌هاند: "ئێكه‌م حاله‌تى گیان ژده‌ستدانا كارمه‌ندێ ساخله‌میێ ب ناڤێ ( سه‌لیم فرحان) هاته‌ تۆماركرن كو خودێ ژى رازى وینه‌گرێ تیشكێ بوو ل رێڤه‌به‌ریا گشتى یا ساخله‌میا دهۆكێ هه‌تا ئه‌ڤرۆ 6/8/2020ێ ل دهۆكێ 902 تووشبوویێن كۆرۆنایێ یێن هاتینه‌ تۆماركرن ژوانا ژى 405 تووشبووى یێن هاتینه‌ چاره‌سه‌ركرن یێن دیتر ناڤ نه‌خۆشخانێ دا ماینه‌".

ره‌زیكى هه‌روه‌سا راگه‌هاند كو ئه‌ڤرۆ رێڤه‌به‌رێ ساخله‌میا دهۆكێ دگه‌ل بوتان مه‌حسن قایمقامى زاخۆ كۆمبوویه‌ بریارا ل سه‌ر تاقیگه‌هه‌كا پشكنینن كۆرۆنایێ ل زاخۆ هاتیه‌ دان وجهێن كه‌ره‌نتینكرنا بۆ تووشبوویان دێ زاخۆ هێته‌ ده‌ستنیشانكرن وچه‌ندێن خزمه‌تێن دێ بۆ به‌رهه‌نگاریا كۆرۆنایێ دێ زاخۆ هێنه‌ ئه‌نجامدان".













باسنيوز