ئێوارەی ئەمڕۆ سێشەممە وەزارەتی تەندروستیی حكوومەتی هەرێمی كوردستان لە بانگەوازێکی بەپەلەدا، داوایەكی ئاراستەی هاووڵاتییانی هەرێمی كوردستان كرد، ئەوانەی تووشی پەتای ڤایرۆسی كۆرۆنا بوون و چاك بوونەتەوە.


لە بانگەوازەكەدا هاتووە "یەکێک لە ھێڵەکانی چارەسەری بۆ نەخۆشانی ڤایرۆسی کۆڕۆنای نوێ COVID19 بریتیە لە وەرگرتنی پلازمای خوێنی کەسێکی چاکبووەوە، زۆر لە نەخۆشەکان بەتوندی تووشبوونە و پێویستیان بە پلازما ھەیە".


دەشڵێ تکایە ئەوانەی چاک بوونەتەوە و ٢٨ ڕۆژیان تێپەڕ کردووە بەسەر یەکەم ڕۆژی دەستنیشانکردنی نەخۆشیەکەیان، سەردانی سەنتەرەکانی بانکی خوێن بکەن بۆ بەخشینی پلازما. بەم بەخشینە خزمەتێکی مرۆڤدۆستی و خێرێکی گەورە تۆمار دەکەن.










Basnwes