هێزە ئەمنییەکانی عێراق، لە سنووری پارێزگای كەركووك دەستیان بەسەر 65 بۆمبی چێندراوی داعشدا گرت.

پۆلیسی فیدراڵیی عێراق لە بەیاننامەیەكدا كە بڵاوی كردووەتەوە و تێیدا هاتووە، پۆلسی فیدراڵیی عێراق لە سنووری پارێزگای كەركووك، دەستیان بەسەر 65 بۆمبی چێندراو و 150 ڕاستەی تەقینەوەی تیرۆریستانی داعشدا گرتووە.

ئەوەش خراوەتە ڕوو، پاشان لەلایەن ئەندازەی فەرماندەیی پۆلیسی فیدراڵیی عێراقەوە سەرجەم بۆمبەكان پووچەڵ كرانەوە.

هاوكات، ماویەكە داعش جموجۆڵی لە سنووری كەركووك زیادی کردوو و لەمبارەوە، مەریوان جەلال، بەرپرسی پێشووی مەكتەبی راگەیاندنی لقی سێی پارتی لە كەركووك، ڕايگەیاند: "ئێستا داعش لە سنووری كەركووك بەهێز بووەتەوە و رۆژانە لە سنوورەكە كردەوەی تیرۆریستی ئەنجام دەدەن".

گوتیشی: هاوكات داعش لە ناوچە كوردستانییە داگیركراوەكانی دیكە و چیای حەمرینیش هەیە و ئەوان مەترسین بۆ سەر ناوچەكە، هەڵبەتە داعش لە دوای رووداوەكانی 16ی ئۆكتۆبەری 2017ەوە هەلی باشیان بۆ ڕەخساوە بۆ ئەوەی خۆیان بەهێز بكەنەوە، چونكە هێزی پێشمەرگە لە سنوورەكە نەماوە".









باسنيوز