شانەی راگەیاندنی ئەمنیی عێراق، ئەمڕۆ پێنجشەممە 9/1/2020 بڵاوی كردووە كە هێزە هاوبەشەكانی كەركووك و پۆلیسی فیدڕاڵی عێراق، هەڵمەتێكی پشكنینیان بۆ زنجیرە چیای مامە لە سنووری پارێزگای كەركووك بە دیاریكراوی لە هێڵی پێشووی پێشمەرگە ئەنجامدا بۆ پاككردنەوەی ئەو ناوچەیە لە تیرۆریستان.

ئاشكراش كراوە كە لە ئەنجامدا دەست بەسەر سێ مۆڵگەی داعش، هەروەها 32 بۆمبێ چێندراوی داعشدا گیرا و پاشان لەلایەن ئەندازەی سەربازییەوە بۆمبەكان پووچەڵ كرانە و مۆڵگەكانیش تێكدران.

لەم بارەیەوە، هیوا رەشید، بەرپرسی ناوچەی داقووقی پارتی پێشتر ڕايگەیاند، مۆڵگەكانی داعش پەرەیان سەندووە و رۆژانە مۆڵگەی نوێ دادەنێن، بە حوكمی ئەوەی سوپا و هێزە ئەمنییە عێراقییەكانی تر لە جادەی قیر لانادەن و ئۆپەراسیۆن لەدژی داعش ئەنجام نادەن لە دۆڵ و دەشتەكانی دەوروبەری داقووقی سەر بە پارێزگای كەركووك".

روونیشی كردەوە، بۆیە داعش پێگەی بەهێز بووە و رۆژانە كردەوەی جۆراوجۆری توندوتیژی دەكەن و دۆخی عێراقیش ئێستا هەموان دەزانین چۆنە و ئەمەش وا دەكات كە داعش بەهێزتر بێتەوە و پێشبینی ئەوە دەكرێت لە ئایندەیەكی نزیكدا زیاتر پەرە بستێنن.













باسنيوز