بەرێوەبەری لقی هەولێری بانکی ناوەندیی عێراق رایدەگەیێنێت، بەرزبوونەوەی ‏نرخی دۆلار کاتییە و لەگەڵ هێوربوونەوەی دۆخەکە نرخ جێگیردەبێتەوە.‏

عابد ساڵح، بەڕێوەبەری لقی هەولێری بانکی ناوەندیی عێراق ‏راگەیاند، بەشێکی زۆری بەرزبوونەوەی نرخی دۆلار پەیوەندی بە بارودۆخی ‏عێراقەوە هەیە، بەتایبەت بڕیاری پەرلەمان بۆ دەرکردنی هێزەبیانییەکان و گوتیشی، ‏لەگەڵ هێوربوونەوەی دۆخەکە نرخی دۆلار جێگیر دەبێتەوە و 100 دۆلار لە ‏نزیک 120 هەزار دینار جێگردەبێت.‏

بەڕێوەبەری لقی هەولێری بانکی ناوەندیی عێراق ئاماژەی بەوەشکرد، ‏بەشێکی دیکەی بەرزبوونەوەی نرخی دۆلار پەیوەندی بەوەوە هەبوو ئەم چەند ‏رۆژەی رابردوو پشوو بووە و بانکی ناوەندی دۆلاری نەخستووەتە بازاڕەوە، ‏لەگەڵ ئاساییبوونەوەی دەوام بڕی پێویست دۆلار دەخرێتە بازاڕەوە و ‏کاریگەری گەورەی لەسەر دابەزاندنی نرخی دۆلار دەبێت.‏

لەدوای دەنگدان بە کردنەدەرەوەی هێزە بیانییەکان لە پەرلەمانی عێراق و ‏تویتێکی دۆناڵد ترەمپ، سەرۆکی ئەمریکا نرخی 100 دۆلار بۆ نزیکەی 122 ‏هەزار و 900 دینار بەرزبووەوە و ئێستا 100 دۆلار بە 122 هەزار و 300 دینار مامەڵەی پێوەدەکرێت.