دوای ئەوەی سەرۆکایەتیی پەرلەمان ئەو ماوەیەی درێژ کردەوە بۆ لیژنەکان تا دوا راپۆرت لەسەر پرۆژەیاسای چاکسازی تەواو بکەن رۆژی ٨ی١ی٢٠٢٠ دواوادەی بەردەم لیژنەکانە.

بەپێی زانیارییەکان ھەفتەی داھاتوو لیژنەی دارایی راپۆرت لەسەر پرۆژەکە ئامادە دەکات و دەیداتەوە دەستەی سەرۆکایەتیی پەرلەمان و دوای راپۆرتی لیژنەی دارایی، سەرۆکایەتیی پەرلەمان راپۆرتی سەرجەم لیژنەکان دەنێرێتەوە بۆ لیژنەی یاسایی و دواتر سەرۆکایەتیی شەش لیژنەکە راپۆرتی ھاوبەش ئامادە دەکەن.

بەپێی ئەو وادەیەی پەرلەمان دیاریی کردەوە دەبێت١٥ی١ی٢٠٢٠ راپۆرتی ھاوبەش لەسەر پرۆژە یاساکە ئامادە بێت و دوای٢٤ کاتژمێر پەرلەمان خوێندنەوەی دووەم بۆ پرۆژەیاسای چاکسازی دەکات.

پەرلەمانی کوردستان پێشتر خوێندنەوەی یەکەمی بۆ پرۆژەیاسای چاکسازی کردووە و لەبەر گرنگیی ئەم پرسە و چەند پێشنیازە یاسای دیکە خولی پاییزەی پەرلەمان بۆ ماوەی یەک مانگ درێژ کرایەوە و لە پشووەکان کەم کراوەتەوە.





باسنيوز