ئەمڕۆ دووشەممە گوتەبێژی کۆمسیۆنی باڵای سەربەخۆی ھەڵبژاردن و ڕاپرسی لە ھەرێمی کوردستان ڕایگەیاند ھەفتەی داھاتوو وادەی یاسایی کۆمسیۆنەکەیان تەواو دەبێت و لەبارەی یەکلاییکردنەوەی چارەنووسیشیان، چاوەڕێی پەرلەمانی کوردستان دەکەن.

شێروان زرار گوتەبێژی کۆمسیۆنی باڵای سەربەخۆی ھەڵبژاردن و ڕاپرسی ڕایگەیاند وادەی یاسایی کارکردنی ئەنجوومەنی کۆمسیۆنی باڵای سەربەخۆی ھەڵبژاردن و ڕاپرسی لە ھەرێمی کوردستان، لە ھەفتەی داھاتوو (٢٣ / ١٢ / ٢٠١٩ ) تەواو دەبێت.

گوتیشی بۆ یەکلاییکردنەوەی چارەنووسی کارکردنیان بەوەی کە درێژ دەکرێتەوە یان ڕێگەچارەیەک دابندرێ، ماوەیەک پێش ئێستا نووسراویان ئاراستەی سەرۆکایەتی پەرلەمانی کوردستان کردووە، لەم ڕووەوە چاوەڕێی وەڵامی ئەوان دەکەن.








باسنیوز