سوپای تورکیا کوژرانی دوو سەربازی وڵاتەکەی لەنزیک سنووری رۆژئاوای کوردستان، راگەیاند.

وەزارەتی بەرگریی تورکیا لە بەیاننامەیەکدا رایگەیاندووە، رۆژی چوارشەممە 27-11-2019، بە مووشەک هێرش کراوەتە سەر شارۆچکەی ئاقجە لە باشووری وڵاتەکەی.

هەروەک وەزارەتی بەرگریی تورکیا رایگەیاندووە، مووشەکەکان لە شارۆچکەی گرێ سپی لە رۆژئاوای کوردستان ئاراستەی ئەو شارۆچکەیەی باکووری کوردستان کراون و بەهۆیانەوە دوو سەربازی تورکیا کوژراون.

وەزارەتی بەرگریی تورکیا ئاماژەی بەوەش کردووە، کە تۆپخانەی سوپای وڵاتەکەی دەست بەجێ بە مووشەکبارانکردنی سەرچاوەی مووشەکەکان، وەڵامی هێرشەکەی داوەتەوە.





باسنیوز