تەقینەوەیەک لە شارۆچکەی تل حەلەفی رۆژئاوای سەرێ کانی روویدا و بەپێی زانیارییە سەرەتاییەکان بە دەیان قوربانیی لێکەوتووەتەوە.

بەپێی زانیارییە سەرەتاییەکان 16 کوژراو و 30 برینداری لێکەوتووەتەوە.

تەقینەوەکە لە رێگەی ئۆتۆمبێلێکی بۆمبڕێژکراوەوە بووە و ژمارەیەک لە چەکدارانی ئۆپۆزیسیۆنی سەر بە تورکیا کراونەتە ئامانج.

بەپێی زانیارییەکان برینی زۆربەی بریندارەکان سەختە.

هەروەها وەزارەتی بەرگریی تورکیا لەبارەی تەقینەوەکەوە راگەیێندراوێکی بڵاوکردەوە و تێیدا تێیدا هاتووە، تەقینەوەکە لە رێگەی ئۆتۆمبێلێکی بۆمبڕێژکراوەوە بووە و لە ئەنجامی تەقینەوەکەدا 17 کەس کوژراون و 20 کەسیش برینداربوونە.

هەر لە راگەیێندراوەکەدا وەزارەتی بەرگریی تورکیا یەپەگە بە ئەنجامدانی تەقینەوەکە تۆمەتبار دەکات.