وەزارەتی بەرگریی تورکیا کوژرانی پێنج گەریلای پارتی کرێکارانی کوردستان (پەکەکە)ی لەسەر سنووری نێوان باشوور و باکووری کوردستان، راگەیاند.

ئەمڕۆ شەممە 23-11-2019، وەزارەتی بەرگریی تورکیا لە بەیاننامەیەکدا رایگەیاندووە، فڕۆکە جەنگییەکانی وڵاتەکەی ئۆپەراسیۆنێکیان لە دژی پەکەکە لەسەر سنوور، ئەنجام داوە.

هەروەک لە بەیاننامەکەدا هاتووە، چوار گەریلایان لە ناوچەی زاپ گیانیان لەدەست داوە و گەریلایەکیش لە ناوچەی هەفتانین، گیانی لەدەست داوە.

وەزارەتەکە ئاماژەی بە بەردەوامیدان بە ئۆپەراسیۆنە سەربازییەکان لە دژی گەریلاکانی پەکەکە لە ناوچە سنوورییەکان، کردووە.











باسنيوز