بەرپرسێک لە دەروازەی نیودەوڵەتیی حاجی ئۆمەران ڕای گەیاند ئەوە دەنگۆیانە رەت دەكەینەوە كە بەهۆی خۆپیشاندانەكان لە ئێران، جموجۆڵی بازرگانی لە دەروازەی گومرگی حاجی ئۆمەران راگیرابێت.

سیروان حوسێن، بەرپرسی راگەیاندنی دەروازەی نێودەوڵەتیی حاجی ئۆمەران، رايگەیاند: "ئەگەرچی لە چەند شارێكی وڵاتی ئێران خۆپیشاندان و ناڕەزاییەكان دەستی پێكردووە، بەڵام ئەمە نەبووەتە هۆی ئەوەی كە جموجۆڵی بازرگانی لە دەروازەی نێودەوڵەتیی گومرگی حاجی ئۆمەران رابگیرێت، بەڵكوو هەروەك رۆژانی پێشووتر جموجۆڵی بازرگانی لە نێوان هەریمی كوردستان و كۆماری ئیسلامی بەردەوامە و ئاساییە".

گوتیشی: "لەم جۆرە كاتانەدا ئەوەی كەم بكات، ئەوەیە لەوانەیە گەشتیاران و هاووڵاتییانی كوردستان، بەهۆی خۆپیشاندان و پشێوییەكان كەمتر روو لەم وڵاتی ئێران بكەن، بەتایبەتیش ئەو شار و ناوچانەی كە نائارامن".

ماوەی حەوت ڕۆژە خۆپیشاندان و ناڕەزایی لە ١٧ پارێزگای ئێران و لە شار و شارۆچکەکانی ڕۆژهەڵاتی کوردستان دەستی پێکردووە و بەو هۆیەوە بە سەدان کەس گیانیان لەدەست داوە و بریندار بوون.













باسنيوز