بەرپرسێ‌ پەێوەندی و راگەهاندنی ل رێڤەبەریا هاتن وچوونا پارێزگەها دهۆكێ‌ دیار كر كو هاتن و چوونا ترۆمبێلین بارهەلگر ل ناڤ جادەیێن سەنتەرێ‌ باژێرا دهۆكێ‌ هاتە قەدەغەكرن دا كو ل سەر جادەیان قەرەبالغی ترۆمبێلان دروست نەبیت.

ئازاد تەها، بەرپرسێ‌ پەێوەندی و راگەهاندنی ل رێڤەبەریا هاتن وچوونا پارێزگەها دهۆكێ‌ دیار كر كو هەر ژ سپێدی زوو هەتا ئێڤاریان هاتن و چوونا ترۆمبیلێن بارهەلگر ل دهۆكێ‌ هاتە قەدەغەكرن ئانكو ب رۆژی نابیت ترۆمبێلێن مەزن و بارهەلگر هاتن و چوونێ‌ بكەن ژبەر چێكرنا جادەیان داكو قەرەبالغی دروست نەبیت ل سەر جادەیان، چونكو سپێدەهیان فەرمانبەر ژی دهێنە دەوامی نها جادەیێن دهۆكێ‌ دهێنە سەخبیركرن و چێكرن بۆ بەرژوەندیا گشتی مە ئاگەهداریەك بەلاڤ كریە و تێدا هاتن و چوونا ترۆمبێلین بارهەلگر ب رۆژی قەدەغە كریە، داكو چوو قەرەبالغ ل سەر جادەیان دروست نەبن و ئەفسەر و كارمەند و هەموو پولیسێن ترافیكی بەردەوام كار دكەن داكو ژیانا وەلاتیان و شوفێران یا پاراستی بیت ژ روودانیێن دلتەزین یێن هاتن وچوونێ‌ ".

خۆیا ژی كر: "پشتی جادەیێن دهۆكێ‌ هاتینە چیكرن مە ب فەر دیت هاتن و چوونا ترۆمبێلین بارهەلگر قەدەغە بكەن داكو شەرنشین و شوفێر ترۆمبێلین دێ‌ بچووك ئاسانی هاتن و چوونێ‌ بكەن تووشی ئاریشەیێن ترافیكی نەبن".












باسنیوز