نووسینگەی مەسرور بارزانی، سەرۆکی حکوومەتی هەرێمی کوردستان، ڕوونکردنەوەیەکی لەبارەی هەواڵێکی ناڕاستی ماڵپەڕێکی ئەمریکی بڵاو کردەوە.

لە ڕوونکردنەوەیەکدا نووسینگەی سەرۆکی حکوومەتی هەرێمی کوردستان رای گەیاندووە: ”لەم چەند ڕۆژەی دواییدا، هەواڵێکی ناڕاست لە سایتێکی ئەمەریکی بڵاوکرابوویەوە و بە شێوەیەکی ناڕەوا، ناوی سەرۆکی حکومەتی هەرێمی کوردستان بە بابەتی کڕینی ڤیلایێکەوە لکێندرابوو“.

ئەوەش ئاشکرا کراوە کە هەندێ سایت و میدیای ناوخۆش ”بە شێوەیەکی چەواشەکارانە“ پەرەیان بەو هەواڵە ناڕاستە داوە.

نووسینگەی سەرۆکی حکوومەت جەختی کردووەتەوە کە سەرلەبەری هەواڵی ماڵپەڕە ئەمریکییەکە ڕەت دەکەنەوە و رێکاری یاساییش بەرامبەر بەو چەواشەكارییانە دەگرنە بەر.

ئەمەش دەقی ڕوونکردنەوەکەیە:

ڕوونکردنەوەیەک لە نووسینگەی سەرۆکی حکومەتی هەرێمی کوردستانەوە

لەم چەند ڕۆژەی دواییدا، هەواڵێکی ناڕاست لە سایتێکی ئەمەریکی بڵاوکرابوویەوە و بە شێوەیەکی ناڕەوا ، ناوی سەرۆکی حکومەتی هەرێمی کوردستان بە بابەتی کڕینی ڤیلایێکەوە لکێندرابوو. بەداخەوە هەندێ سایت و میدیای ناوخۆش بە شێوەیەکی چەواشەکارانە پەرەیان بەو هەواڵە ناڕاستە داوە، ئێمە لە نووسینگەی سەرۆکی حکومەت، سەر لەبەری ئەو هەواڵە ڕەت دەکەینەوە و ، رێکاری یاساییش بەرامبەر بەو چەواشەكارییانە دەگرینەبەر.

نووسینگەی

سەرۆکی حکومەتی هەرێمی کوردستان

2019/11/17













باسنيوز